ការគ្រប់គ្រង និង បរិក្ខារ

អភិបាលកិច្ចនៃវិទ្យាស្ថានប៉ាស្ទ័រកម្ពុជា

ប្រតិបត្តិការរបស់វិទ្យាស្ថានប៉ាស្ទ័រកម្ពុជាត្រូវបានគ្រប់គ្រងដោយកិច្ចព្រមព្រៀងដែលបានចុះហត្ថលេខា នៅថ្ងៃទី២៧ ខែសីហា ឆ្នាំ១៩៩២ និង វិសោធនកម្មនៅថ្ងៃទី១៥ ខែមីនា ឆ្នាំ២០១៣ ដែលបង្កើតឡើងរវាង រាជរដ្ឋាភិបាលកម្ពុជា និងវិទ្យាស្ថានប៉ាស្ទ័រ (ទីក្រុងប៉ារីស ប្រទេសបារាំង)។

យោងតាមមាត្រាទី១២ នៃកិច្ចព្រមព្រៀងនេះ វិទ្យាស្ថានប៉ាស្ទ័រកម្ពុជាត្រូវបានដឹកនាំដោយនាយក ហើយកិច្ចប្រតិបត្តិការ ត្រូវបានត្រួតពិនិត្យដោយក្រុមប្រឹក្សាទំនាក់ទំនង។

នាយក និងនាយករង

នាយកវិទ្យាស្ថានប៉ាស្ទ័រកម្ពុជា​ ត្រូវបានតែងតាំងដោយអគ្គនាយកវិទ្យាស្ថានប៉ាស្ទ័រ នៅទីក្រុងប៉ារីស ប្រទេសបារាំង ដោយមានការប្រឹក្សាជាមួយ ក្រសួងសុខាភិបាលនៃព្រះរាជាណាចក្រកម្ពុជា។ នាយករងវិទ្យាស្ថានប៉ាស្ទ័រកម្ពុជា ត្រូវបានតែងតាំងដោយនាយកក្នុងការពិគ្រោះយោបល់ជាមួយ ក្រសួងសុខាភិបាល ពីក្នុងក្រុមអ្នកវិទ្យាសាស្ត្រកម្ពុជាដែលបម្រើការក្នុងសេវាសាធារណៈជាតិ និងមានសញ្ញាបត្របណ្ឌិតផ្នែកជីវសាស្រ្ត ឬសុខភាពសាធារណៈ។

ក្រុមប្រឹក្សាទំនាក់ទំនង

តាមការគ្រោងទុក កិច្ចប្រជុំក្រុមប្រឹក្សាទំនាក់ទំនងនេះនឹងប្រព្រឹត្តទៅមួយឆ្នាំម្តង។ ក្រុមប្រឹក្សាទំនាក់ទំនងពិនិត្យ និងអនុម័តរបាយការណ៍ប្រចាំឆ្នាំដែលធ្វើបទបង្ហាញដោយនាយក។

ក្រុមប្រឹក្សាទំនាក់ទំនងត្រូវបានដឹកនាំដោយរដ្ឋមន្ត្រីក្រសួងសុខាភិបាលនៃព្រះរាជាណាចក្រកម្ពុជា (ប្រធាន) ឬត្រូវបានជំនួសដោយ រដ្ឋលេខាធិការក្រសួងសុខាភិបាល (អនុប្រធាន)។ ក្រុមប្រឹក្សាទំនាក់ទំនងមានសមាជិកចំនួន ១០រូប រួមទាំងប្រធាន និងអនុប្រធាន ដែលត្រូវបានចាត់តាំងទៅតាមមុខងារ និងត្រូវបានចាត់អ្នកតំណាងណាម្នាក់ ក្នុងករណីអវត្តមាន។

សមាជិកក្រុមប្រឹក្សាភិបាល (នៅខែមីនា ឆ្នាំ២០២៤)

ប្រធាន៖

រដ្ឋមន្ត្រីក្រសួងសុខាភិបាលនៃព្រះរាជាណាចក្រកម្ពុជា : ឯកឧត្តមសាស្រ្តាចារ្យ ឈាង រ៉ា

អនុប្រធាន៖

រដ្ឋលេខាធិការ​ក្រសួង​សុខាភិបាល : ឯកឧត្តមសាស្រ្តាចារ្យ កុយ វ៉ាន់នី

សមាជិក៖

• សាកលវិទ្យាធិការនៃសាកលវិទ្យាល័យវិទ្យាសាស្រ្តសុខាភិបាល : ឯកឧត្តមសាស្រ្តាចារ្យ សាផុន វឌ្ឍនៈ
• សាកលវិទ្យាធិការនៃសាកលវិទ្យាល័យភូមិន្ទកសិកម្ម : ឯកឧត្តមសាស្រ្តាចារ្យ ង៉ោ ប៊ុនថាន
• នាយកវិទ្យាស្ថានប៉ាស្ទ័រនៅទីក្រុងប៉ារីស ឬតំណាង : សាស្រ្តាចារ្យ Yasmine BELKAID
• រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឬតំណាង: ឯកឧត្តមអគ្គបណ្ឌិត​សភា​ចារ្យ អូន ព័ន្ធមុនីរ័ត្ន
• រដ្ឋមន្ត្រីក្រសួងអប់រំ យុវជន និងកីឡា ឬតំណាង : ឯកឧត្តមបណ្ឌិតសភាចារ្យ ហង់ជួន ណារ៉ុន
• តំណាងអង្គការសុខភាពពិភពលោកប្រចាំប្រទេសកម្ពុជា : លោកស្រីវេជ្ជបណ្ឌិត Jaana Marianna​​ Trias
• ឯកអគ្គរាជទូតបារាំងប្រចាំកម្ពុជា ឬតំណាង: ឯកឧត្តម Jacques PELLET
• តំណាង​អង្គការ​យូនីសេហ្វ​ប្រចាំ​នៅ​កម្ពុជា : លោកវេជ្ជបណ្ឌិត Will PARKS

សមាជិកដែលត្រូវបានអញ្ជើញ (ខែមីនា ឆ្នាំ២០២៤)

ក្រុមប្រឹក្សាទំនាក់ទំនងអាចអញ្ជើញទៅកិច្ចប្រជុំរបស់ខ្លួន នូវបុគ្គលិកលក្ខណៈដែលមានប្រយោជន៍សម្រាប់ការងាររបស់ក្រុមប្រឹក្សា។

• នាយក វិទ្យាស្ថានប៉ាស្ទ័រកម្ពុជា
• នាយករង វិទ្យាស្ថានប៉ាស្ទ័រកម្ពុជា
• នាយកផ្នែកហិរញ្ញវត្ថុ វិទ្យាស្ថានប៉ាស្ទ័រកម្ពុជា
• នាយកអន្តរជាតិ វិទ្យាស្ថានប៉ាស្ទ័រ ទីក្រុងប៉ារីស
• ទីប្រឹក្សា​សហប្រតិបត្តិការ និង​សកម្មភាព​វប្បធម៌ ស្ថានទូត​បារាំង​ប្រចាំ​កម្ពុជា
• អគ្គនាយកបច្ចេកទេសសុខាភិបាល នៃក្រសួងសុខាភិបាល
• ប្រធាន​នាយកដ្ឋាន​ប្រយុទ្ធ​នឹង​ជំងឺ​ឆ្លង
• ​ប្រធាន​នាយកដ្ឋាន​សហប្រតិបត្តិការ​អន្តរជាតិ នៃក្រសួងសុខាភិបាល
• នាយក វិទ្យាស្ថានជាតិសុខភាពសាធារណៈ នៃក្រសួងសុខាភិបាល
• នាយក មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ នៃក្រសួងសុខាភិបាល
• នាយក មជ្ឈមណ្ឌលជាតិប្រយុទ្ធនឹងជំងឺរបេង និងហង់សិន នៃក្រសួងសុខាភិបាល
• ប្រធាន គណៈកម្មាធិការជាតិក្រមសីលធម៌សម្រាប់ការស្រាវជ្រាវសុខភាពដែលទាក់ទងនឹងមនុស្ស នៃក្រសួងសុខាភិបាល
• នាយករង អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ
• អគ្គនាយក វិទ្យាស្ថានបច្ចេកវិទ្យាកម្ពុជា
• អគ្គនាយក មន្ទីរពេទ្យកាល់ម៉ែត
• នាយក មូលនិធិគន្ធបុប្ផា
• សាកលវិទ្យាធិការ នៃសាកលវិទ្យាល័យភូមិន្ទភ្នំពេញ
• នាយក ទីភ្នាក់ងារ​អភិវឌ្ឍន៍​បារាំងប្រចាំប្រទេសកម្ពុជា
• តំណាង វិទ្យាស្ថានស្រាវជ្រាវសម្រាប់ការអភិវឌ្ឍប្រចាំប្រទេសកម្ពុជា 

សកម្មភាពវិទ្យាសាស្ត្រនៅវិទ្យាស្ថានប៉ាស្ទ័រកម្ពុជា ត្រូវបានត្រួតពិនិត្យដោយក្រុមប្រឹក្សាពិគ្រោះយោបល់វិទ្យាសាស្ត្រ (SAB) ដែលមានសមាជិកពី 7 ទៅ 8 នាក់ (រួមមានប្រធាន និងអ្នកធ្វើរបាយការណ៍) និងអ្នកសង្កេតការណ៍មួយនាក់។ ក្រុមប្រឹក្សាពិគ្រោះយោបល់វិទ្យាសាស្ត្រជួបប្រជុំរៀងរាល់ 2 ឆ្នាំម្ដង ដែលក្នុងនោះការប្រជុំលើកចុងក្រោយប្រព្រឹត្តទៅនៅខែធ្នូ ឆ្នាំ2018។ 

តួនាទីរបស់ក្រុមប្រឹក្សាពិគ្រោះយោបល់វិទ្យាសាស្ត្រ គឺត្រូវផ្ដល់អនុសាសន៍ដល់អ្នកស្រាវជ្រាវរបស់ វិទ្យាស្ថានប៉ាស្ទ័រកម្ពុជាសម្រាប់គម្រោងវិទ្យាសាស្ត្រ ការរៀបចំ និងកិច្ចសហប្រតិបត្តិការដែលកំពុងប្រព្រឹត្តទៅ/ថ្មីៗ។ 

សម្រាប់ក្រុមប្រឹក្សាពិគ្រោះយោបល់វិទ្យាសាស្ត្រថ្មីនៅខែកុម្ភៈ ឆ្នាំ2021 សមាជិករបស់ក្រុមប្រឹក្សារួមមាន៖ 

អ្នកវិទ្យាសាស្ត្រអន្តរជាតិបី (3) រូប៖

• សាស្ត្រាចារ្យ Sharon LEWIN មកពីវិទ្យាស្ថាន Doherty – សាកលវិទ្យាល័យម៉ែនប៊ន – ប្រទេសអូស្ត្រាលី – ប្រធាន
• សាស្ត្រាចារ្យ Lin-Fa WANG, Duke – សាកលវិទ្យាល័យជាតិសិង្ហបុរី – ប្រទេសសិង្ហបុរី
• សាស្ត្រាចារ្យ Ian SUTHERLAND អង្គភាពស្រាវជ្រាវវេជ្ជសាស្ត្រទី 2 នៃកងទ័ពជើងទឹកសហរដ្ឋអាមេរិក (US NAMRU-2) – ប្រចាំនៅប្រទេសកម្ពុជា

អ្នកវិទ្យាសាស្ត្រកម្ពុជាចំនួនបី (3) រូប៖

• សាស្ត្រាចារ្យ សុផុន វឌ្ឍនៈ បណ្ឌិត និងជាសាកលវិទ្យាធិការសាកលវិទ្យាល័យវិទ្យាសាស្ត្រ
  សុខាភិបាល 
• សាស្ត្រាចារ្យ សន សាន អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ – ប្រទេសកម្ពុជា
• ឯកឧត្តមបណ្ឌិត ទូច វិសាលសុខ – ក្រសួងអប់រំ យុវជន និងកីឡា – ប្រទេសកម្ពុជា – ជាអ្នកសង្កេតការណ៍

អ្នកវិទ្យាសាស្ត្របី (3) រូប ចំណុះឱ្យវិទ្យាស្ថានប៉ាស្ទ័រ (IP ក្រុងប៉ារីស)៖

• សាស្ត្រាចារ្យ Anavaj SAKUNTABHAI វិទ្យាស្ថានប៉ាស្ទ័រ (ប្រទេសបារាំង) និងការិយាល័យវិទ្យាស្ថានប៉ាស្ទ័រ នៅប្រទេសជប៉ុន – អ្នកធ្វើរបាយការណ៍
• សាស្ត្រាចារ្យ Sylvain BRISSE វិទ្យាស្ថានប៉ាស្ទ័រ (ប្រទេសបារាំង)
• សាស្ត្រាចារ្យ Ivo MUELLER វិទ្យាស្ថានប៉ាស្ទ័រ (ប្រទេសបារាំង) និងវិទ្យាស្ថានស្រាវជ្រាវវេជ្ជ
  សាស្ត្រ WEHI (ប្រទេសអូស្ត្រាលី)

របាយការណ៍ត្រូវបានរៀបចំឡើងដោយសមាជិករបស់ក្រុមប្រឹក្សាពិគ្រោះយោបល់វិទ្យាសាស្ត្រ ក្រោមការសម្របសម្រួលពីអ្នកធ្វើរបាយការណ៍ និងចុះហត្ថលេខារួមគ្នាដោយប្រធានក្រុមប្រឹក្សាពិគ្រោះយោបល់វិទ្យាសាស្ត្រ និងអ្នកធ្វើរបាយការណ៍។ 

វិទ្យាស្ថានប៉ាស្ទ័រកម្ពុជា (IPC) គឺជាសមាជិកដ៏មានមោទនភាពរបស់បណ្ដាញវិទ្យាស្ថានប៉ាស្ទ័រ អន្តរជាតិ (IPIN)។ 

វិទ្យាស្ថានជាសមាជិកចំនួន 32 ដៃគូ និងសហការីជំនួយនៅក្នុងការស្រាវជ្រាវវិទ្យាសាស្ត្រ សេវាសុខភាពសាធារណៈ និងសម្ព័ន្ធអប់រំនានា បានចូលរួមក្នុងបណ្ដាញវិទ្យាស្ថានប៉ាស្ទ័រអន្តរជាតិដោយឈរលើគោលការណ៍ស្ម័គ្រចិត្ត។ វិទ្យាស្ថានទាំងនេះ បានចុះហត្ថលេខាលើកិច្ចព្រមព្រៀងសហការជាមួយនឹងបណ្ដាញវិទ្យាស្ថានប៉ាស្ទ័រអន្តរជាតិ។ ធម្មនុញ្ញស្ដីពីគុណតម្លៃប៉ាស្ទ័រ ត្រូវបានអនុម័តឡើងដោយសមាជិកទាំងអស់របស់បណ្ដាញនេះ។

ដោយមានវត្តមាននៅក្នុងទ្វីបទាំងប្រាំ អ្នកស្រាវជ្រាវរបស់បណ្ដាញវិទ្យាស្ថានប៉ាស្ទ័រអន្តរជាតិ – ទាំងស្រី និងប្រុស ដែលមានសាវតារវប្បធម៌ខុសៗគ្នា – មានស្មារតីរួបរួមគ្នាដោយផ្អែកលើវប្បធម៌ប៉ាស្ទ័រតែមួយ និងភាពអំណត់ និងគុណតម្លៃផ្នែកវិទ្យាសាស្ត្រដូចគ្នា។ 

ក្រុមប្រឹក្សានាយករបស់បណ្ដាញវិទ្យាស្ថានប៉ាស្ទ័រអន្តរជាតិ ធ្វើសេចក្ដីសម្រេចថាតើវិទ្យាស្ថានណាខ្លះ ដែលអាចចូលរួមនៅក្នុងបណ្ដាញនេះបាន។ ក្រុមប្រឹក្សានេះមានសមាសភាពដូចជា នាយករបស់វិទ្យាស្ថានសមាជិកនីមួយៗ និងមានអង្គនាយកវិទ្យាស្ថានប៉ាស្ទ័រ ជាប្រធានក្រុមប្រឹក្សា

នាយក។ ក្រុមប្រឹក្សានាយកជួបប្រជុំមួយឆ្នាំ ឬពីរឆ្នាំម្ដង ហើយបោះឆ្នោតជ្រើសតាំងតំណាងចំនួន 12 រូប នៅក្នុងមហាសន្និបាទរបស់វិទ្យាស្ថានប៉ាស្ទ័រ។ នៅពេលចូលរួមកិច្ចប្រជុំ នាយកវិទ្យាស្ថាននានាត្រូវគូសវាស និងអនុម័តលើចំណុចត្រូវអភិវឌ្ឍសំខាន់ៗសម្រាប់បណ្ដាញវិទ្យាស្ថានប៉ាស្ទ័រអន្តរជាតិ និងលក្ខខណ្ឌនៃការដាក់ពាក្យស្នើសុំជាសមាជិក។ 

សមាគមបណ្ដាញប៉ាស្ទ័រអន្តរជាតិ ដែលត្រូវបានបង្កើតឡើងនៅក្នុងឆ្នាំ2011 ក្រោមច្បាប់ 1901 របស់ប្រទេសបារាំង គឺជានីតិបុគ្គលរបស់បណ្ដាញវិទ្យាស្ថានប៉ាស្ទ័រអន្តរជាតិ (IPIN)។ វិទ្យាស្ថានរបស់ IPIN គឺជាសមាជិករបស់សមាគមនេះ។ សមាគមនេះមានវិទ្យាស្ថានប៉ាស្ទ័រជាប្រធាន ហើយមានក្រុមប្រឹក្សាភិបាលចំនួនពីរ៖

• មហាសន្និបាត ដែលមានការចូលរួមពីវិទ្យាស្ថានជាសមាជិកទាំងអស់
• ក្រុមប្រឹក្សានាយក ដែលមានសមាជិកចំនួន 12៖ តំណាងចំនួន 5 មកពីវិទ្យាស្ថានជាសមាជិក ដែលត្រូវបានបោះឆ្នោតជ្រើសតាំងទៅតាមតំបន់ (មហាសមុទ្រអាហ្វ្រិក-ឥណ្ឌា ទ្វីបអាមេរិក អាស៊ីប៉ាស៊ីហ្វិច អឺរ៉ុប អាហ្វ្រិកខាងជើង-អ៊ីរ៉ង់) តំណាងចំនួន 5 មកពីវិទ្យាស្ថានប៉ាស្ទ័រ និងសមាជិកខាងក្រៅដែលបានជ្រើសតាំងរួមគ្នា។ 

ដោយផ្អែកលើមូលដ្ឋាននេះ បណ្ដាញនេះគ្រប់គ្រងលើវគ្គបណ្ដុះបណ្ដាលអន្តរជាតិ (ប្រមាណ 15 វគ្គក្នុងមួយឆ្នាំ ដែលបញ្ចូលរាល់វិទ្យាស្ថានជាសមាជិកបណ្ដាញ) រៀបចំកិច្ចប្រជុំថ្នាក់តំបន់ ដើម្បីលើកកម្ពស់ទំនាក់ទំនងក្នុងចំណោមអ្នកស្រាវជ្រាវនានា ហើយបង្កើតគម្រោងវិទ្យាសាស្ត្រថ្មីៗ សម្រាប់កិច្ចសហការអន្តរជាតិ។ បន្ថែមលើនេះ បណ្ដាញក៏បានបង្កើតគំនិតផ្ដួចផ្ដើមមួយចំនួនដើម្បីផ្សព្វផ្សាយពីតួនាទី និងមុខមាត់របស់បណ្ដាញវិទ្យាស្ថានប៉ាស្ទ័រអន្តរជាតិទាក់ទងនឹងការស្រាវជ្រាវផ្នែកសុខាភិបាលទូទាំងពិភពលោក។ 

ក្នុងតួនាទីនេះ បណ្ដាញត្រូវបានទទួលស្គាល់ថាជាស្ថាប័នដែលមាន “ទំនាក់ទំនងផ្លូវការ” ជាមួយនឹងអង្គការសុខភាពពិភពលោក កាលពីឆ្នាំ2016 ដោយបានឆ្លុះបញ្ចាំងពីសារសំខាន់នៃតួនាទីរបស់បណ្ដាញវិទ្យាស្ថានប៉ាស្ទ័រអន្តរជាតិនៅក្នុងវិស័យសុខភាពសាធារណៈរបស់សកលលោក។ 

នាយកដ្ឋានកិច្ចការអន្តរជាតិ ត្រូវបានផ្សារភ្ជាប់យ៉ាងជិតស្និទ្ធនៅក្នុងកិច្ចការសម្របសម្រួលសកម្មភាពរួម និងការចូលរួមនៅក្នុងកិច្ចប្រជុំរបស់ក្រុមប្រឹក្សានាយក និងកិច្ចប្រជុំរបស់ក្រុមប្រឹក្សាវិទ្យាសាស្ត្រពីសំណាក់វិទ្យាស្ថានជាសមាជិករបស់បណ្ដាញវិទ្យាស្ថានប៉ាស្ទ័រអន្តរជាតិ។  វិទ្យាស្ថាននេះក៏ធ្វើការគ្រប់គ្រងលើមូលនិធិ និងការចាត់ចែងបុគ្គលិកទៅបម្រើការនៅតាមវិទ្យាស្ថាននានា ចេញពីវិទ្យាស្ថានប៉ាស្ទ័រ នៅទីក្រុងប៉ារីស ដោយមានការជួយគាំទ្រពីសំណាក់ក្រសួងការបរទេស និងអភិវឌ្ឍន៍អន្តរជាតិ និងក្រសួងឧត្តមសិក្សា និងស្រាវជ្រាវរបស់ប្រទេសបារាំង។  

ធម្មនុញ្ញស្ដីពីគុណតម្លៃប៉ាស្ទ័រ (2004) 

សមាជិក វិទ្យាស្ថានចំណុះ និងដៃគូរបស់បណ្ដាញវិទ្យាស្ថានប៉ាស្ទ័រអន្តរជាតិ (IPIN) មានការប្ដេជ្ញាចិត្តក្នុងការគោរពគោលការណ៍គ្រឹះខាងក្រោមនេះ ដែលមានសារសំខាន់ក្នុងការបន្តកិច្ចការងារដែលលោក Louis Pasteur បានធ្វើតាំងពីដំបូងរៀងមក ដែលមានដូចខាងក្រោមនេះ៖ 

• ធ្វើកិច្ចការប្រកបដោយទំនួលខុសត្រូវ និងក្នុងស្មារតីសាមគ្គីភាពសម្រាប់ជាទង្វើល្អទូទៅគ្រប់ពេលវេលាទាំងអស់ ហើយបន្តធ្វើការងារក្នុងស្មារតីជាសកល សប្បុរសធម៌ និងមនុស្សធម៌ ដែលជាកិច្ចការលោក Louis Pasteur បានធ្វើតាំងពីដើមរៀងមក
• រួមចំណែកយ៉ាងសកម្មដល់វិស័យសុខាភិបាលសាធារណៈ ហើយគ្រប់ពេលព្យាយាមធ្វើឱ្យការរួមចំណែកនេះមានភាពស្ថិតស្ថេរតាមរយៈការស្រាវជ្រាវ និងនវានុវត្តន៍
• គោរពតាមគោលការណ៍ក្រមសីលធម៌ នៅក្នុងការស្រាវជ្រាវ និងការអនុវត្ត ជាពិសេស មាន
  សុច្ចរិតភាព នៅពេលដែលធ្វើការស្រាវជ្រាវបែបវិទ្យាសាស្ត្រ និងភាពស្មោះត្រង់ក្នុងចំណោមអ្នកស្រាវជ្រាវ
• បង្ហាញឱ្យឃើញភាពរឹងប៉ឹង ការពលី និងប្រសិទ្ធភាពនៅក្នុងការស៊ើបអង្កេត ការធ្វើរោគវិនិច្ឆ័យ និងការចាត់ចែងការឆ្លើយតបបឋមចំពោះរោគរាតត្បាតថ្មីៗ និងមេរោគដែលកំពុងកើតមានថ្មី
• អភិវឌ្ឍសេរីភាពនៃការគិតផ្ដួចផ្ដើម និងការគិតស៊ីជម្រៅ សម្រាប់អ្នកស្រាវជ្រាវនានា តាមរយៈការឱ្យពួកគេចូលរួមនៅក្នុងការកំណត់រកផ្លូវនៃការស្រាវជ្រាវ ដែលពួកគេចង់ដើរទៅមុខ ដើម្បីបំពេញតាមវត្ថុបំណងជាយុទ្ធសាស្ត្រនៃស្ថាប័នរបស់ខ្លួន
• រក្សាភាពល្អឥតខ្ចោះនៅក្នុងការងារស្រាវជ្រាវ តាមរយៈការវាយតម្លៃជាប្រចាំលើអ្នកស្រាវជ្រាវ និងសារសំខាន់នៃកម្មវិធីស្រាវជ្រាវ និងតាមរយៈការបណ្ដុះបណ្ដាលសមស្រប
• អភិវឌ្ឍការបណ្ដុះបណ្ដាល និងការបន្តការអប់រំ ជាពិសេសដើម្បីជាប្រយោជន៍សម្រាប់អ្នកស្រាវជ្រាវមកពីបណ្ដាប្រទេសដែលមានមូលដ្ឋានវិទ្យាស្ថានជាសមាជិករបស់បណ្ដាញ។ ការចែករំលែកចំណេះដឹង និងការធានាឱ្យបាននូវការទទួលបានចំណេះដឹងដោយចំហ
• លើកកម្ពស់លទ្ធភាពធ្វើនវានុវត្តន៍ និងលទ្ធភាពប្រើប្រាស់នវានុវត្តន៍ទាំងនោះ ដោយផ្ដោតការយកចិត្តទុកដាក់ជាពិសេសលើបណ្ដាប្រទេសដែលមានការអភិវឌ្ឍតិចតួចជាងគេបំផុត
• គោរពបរិស្ថាន អនុវត្តតាមគោលបំណងប្រកបដោយសន្តិវិធីសម្រាប់ការស្រាវជ្រាវ និងចាត់វិធានការផ្សេងៗស្របទៅនឹងគោលការណ៍អភិវឌ្ឍន៍ប្រកបដោយនិរន្តរភាព
• ចាត់វិធានការនានាស្របទៅតាមច្បាប់ និងបទប្បញ្ញត្តិនានាដែលមានជាធរមាន  ដោយគោរពតាមគោលការណ៍តម្លាភាព និងមិនពុករលួយ
• គោរពតាមគោលការណ៍អព្យាក្រឹត នៅក្នុងករណីមានសង្គ្រាមស៊ីវិល ជម្លោះប្រដាប់អាវុធ និងជម្លោះផ្សេងទៀត